Charter Document - 05100251

Je Guioz escuier sires de Trichatel faiz asavoir à toz ces qui verront ces présantes lettres que je vuel et outroy au noble baron et saige monseignor Robert duc de Bergoigne Monseignor que il reteynne et puesse retenir à lui et à Cepoy que sont de son fié à homes et à borjois touz les borjois de Bese quiconques vorront venir et demorer es diz luex comme si home jusque à seze anz continuex an siganz Et que por les diz sexe anz es diz luex les puiesse garantir et maintenir et déffendre et lor biens et lor fammes et lor maignies ainsi commes es ses propres borjois qui demorent à Dijon ou à Talant freinchement por tel cense comme lidis borjois vodront paier au dit Duc ou à son commandement por les diz sex anz Et cieste chose outroy je aussi es diz borjois de Bese Et ce hayje voulu et outroié au dit Duc Monseignor et es diz borjois por lor proières et por lor requeste et quant lidit sex an seront passé et acompli lidiz Dux Messires ne pourrai tenir lesdiz borjois es diz luex ne li diz borjois ne porront demorer se net par ma volunte et par mon outroy et se autres lettres ne sont de ce renovelées et faites En tesmoignaige de laquelle chose je hay mis mon seal an ces præsentes lettres lesquex furent faites et données le lundi apres la feste de la saint Remy l'an de nostre Seignor mil II LXXVIII ou mois d'octouvre