Charter Document - 05100250

In nomine Domini amen Anno Incarnationis ejusdem millesimo CC septuagesimo quarto mense decembris Nos frater Girardus permissione divina humilis abbas totus que conventus monasterii Sancti Petri Besuensis notum facimus omnibus præsentes litteras inspecturis quod cum haberemus teneremus pacifice possideremus et perciperemus medietatem tocius pedagii qualiscumque et qualiumcumque bonorum et rerum quod burgenses et homines nostri Besuenses solverint solvere consueverint tenerentur et debent vel eis potest imponi apud Divionem hanc totam medietatem tocius predicti pedagii et omnium jurium occasionum et emendarum que ratione dicti pedagii possent a dictis burgensibus nostris Besuensibus exigi vendimus et nomine jure legitime et irrevocabilis venditionis concessimus diligenti tractatu prehabito in capitulo nostro unanimiter et concorditer utilitate evidenti monasterii nostri considerata de assensu et voluntate viri religiosi Amedei sacriste dicti monasterii nostri communitati seu universitati burgensium et hominum nostrum Besuensium precio quadraginta librarum divionensium forcium de quibus a dictis burgensibus nostris Besuensibus recepimus et habuimus solutionem integram in pecunia legitime numerata Quare de dicte medietate tocius que predicti pedagii et omnium jurum occasionum et emendarum quod ratione pedagii ejusdem possemus a dictis hominibus et burgensibus nostris exigi nos omnino devertimus et communitatem seu universitatem burgensium hominum nostrorum burgensium per manum Petri dicti Vermant tunc Majoris Besuensis corporaliter investimus et in plenum dominium et possessionem corporalem et perpetuam induximus et de tota medietate tocius que predicti pedagii et omnium jurium actionum et emendarum quod ratione ejusdem pedagii possemus a dictis Burgensibus et hominibus nostris exigi eosdem absolvimus in perpetuum et quittamus Tenemur que et promittimus per stipulationem legitimam et solemniter acceptam et in verbo veritatis et sub voto religionis nostre super medietate tocius pedagii predicti et omnium jurium occasionum et emendarum ejusdem garantire portare dicte communitati seu universitati Burgensium et hominum nostrorum Besuensium perpetuo contra omnes et nos pro eis semper ubique locorum et in omni curia contra personas omnes opponere propter hoc respondere propriis sumptibus et honus litis in nos pro eis suscipere quam cito et quocienscumque super hoc requisiti fuerimus sine diebus et induciis exigendis et eos inde conservare modis omnibus indempnes universos et singulos Si qui contra venire volentes apparerent quod absit et in ullo contra ire de cetero per nos vel per alios verbo vel facto seu consensu aut jure seu consuetudine vel modo alio qualicumque et ad dictam garantiam super hiis in premisso portanda et ad omnia et singula que premissa sunt tenenda perpetuo obligata que predicte universitati et communitati burgensium et hominum nostrorum Besuensium nos et monasterium nostrum et nostros successores et omnia bona nostra et dicti monasterii nostri mobilia et immobilia præsentia et futura quicumque sint uticumque poterint inveniri Renuntiantes in hoc facto exceptioni dicte pecunie non recepte et in tempore non habite exceptioni minoris precii vel deceptioni ultra dimidiam justi precii dati in factum et circumventionis in antiquo juri dicenti pecunias in utilitatem monasterii non fuisse conversas cum auxilio juris canonici et civilis et consuetudinis et facti omnibus privilegiis graciis et indulgenciis sub quacumque forma et verborum obventis impetratis et impetrandis concessis et concedendis et omnibus exceptionibus deffensionibus juribus rationibus et aliis quibuscumque qui contra presens instrumentum vel factum possent dici seu dici et juri dicenti generalem renunciationem non valere In cujus rei testimonium et munimen perpetuum litteris sigilla nostra apposuimus Actum datum et sigillatum anno et mense predictis