Charter Document - 05100246

Nos frater Pontius humilis abbas Besuensis totus que ejusdem monasterii conventus universis præsentes litteras inspecturis salutem in Domino Noveritis universi quot cum discordia verteretur inter nos ex une parte et burgenses Besuenses ex altera super hoc videlicet quod nos petebamus ab ipsis burgensibus quamdam summam pecunie pro quadam societate que contracta fuerat inter nos et ipsos burgenses propter discordiam seu litem quam movit contra nos et ipsos bone memorie Robertus Lingonensis episcopus quia dicebamus nos propter hoc tot et tantas fecisse expensas quot ipse burgenses tenebantur nobis in dicta summa pecunie Item cum quadam turpis consuetudo esset in villa Besuensis hactenus observata quod mulieres vidue ulterius nubere non poterant nisi prius a nobis licencia petita Item cum esset alia consuetudo prava in villa Besuensis de novo introducta quod illi qui colligebant blada sua ad pecuniam tenebantur nobis solvere pro decima nostra et terciis nostris de duodecim gerbis duas gerbas Inter nos et ipsos burgenses pro utilitate nostra et ecclesie nostre de consilio bonorum super hiis omnibus ita pacifficatum et ordinatum quod nos quictamus ipsos burgenses de omni querela quam contra ipsos habemus vel habere possumus occasione expensarum factarum in lite quam contra nos et ipsos burgenses movit supra dictus Robertus bone memorie Lingonensis episcopus Volentes eciam libertates ampliari et servitutes minui damus et concedimus mulieribus viduis Besuensibus licenciam et potestatem nubendi quociens cumque voluerint licencia nostra amplius non petita Tenent eciam si contigerit eas coram nobis litigare quamdiu vidue fuerunt eisdem pietatis intuitu prestare consilium si tamen per se vel per sua illud habere non possint Preterea cum non sit durum si res prenominatas ad statum illum in quo lex et consuetudo ipsa primo statuit volumus et concedimus ut quique infra fines Besue frumentum suum vel quod cumque aliud bladum ad pecunias collegerit vel collegi fecerit de tresdecim gerbis pro decima et terciis duas gerbas cum modo nobis solvere teneatur Hoc autem verum est si campus talis sit qui tercias et decimas debeat quia si solum modo tenetur tunc solvere secundum consuetudinem hactenus observatam Quod si ad bladum quis blada sua collegi fecerit tunc secundum quod consuetum est nobis decime et tercie debent solvi Pro hiis autem omnibus burgenses Besuenses nobis dederunt quingentas libras stephanensis monete in pecunia numerata De quibus plenum et perfectum a dictis burgensibus recepimus pagamentum dicentes et confitentes dictam pecuniam in utilitatem ecclesie nostre versam esse Renunciantes ex certa sciencia exceptioni non munerate pecunie Promittentes bona fide omnia supra dicta firmiter in perpetuum et fideliter observare Et ut istud ratum in perpetuum et firmum permaneat præsentibus litteris sigilla nostra duximus apponenda Actum anno Domini millesimo ducentesimo quinquagesimo primo mense octobris