Charter Document - 05100244

Richardus Dei gratia Lingonensis episcopus universis præsentes litteras inspecturis salutem in Domino Dissentione suborta inter nos ex una parte et abbatem et conventum et homines ville Besuensis ex altera super eo quod cum habeamus in eos juridictionem et justiciam temporalem prout in litteris inclite recordationis regis Philippi plenius continetur idem moniti ac sepius requisiti a nobis ut dedicerent gardiam sive commendisiam per quam sine voluntate nostra domino Villelmo de Vergeyo se supposuerunt id ad mandationem ac preceptum nostrum efficere denegarent asserentes nos jus non habere in eos per quod impedire possemus alias debemus quominus nobis eciam prequisitis se ponerent in gardia non commendisia cujus vellent et quicumque vellent et ut forcius nobis in parte ista resisterent se invicem sicut dicitur quod alii sine aliis pacem nobiscum facerent juramento interposito colligarent Irreverenter negantes et pertinaciter nos habere in eos juridictionem sive justiciam temporalem super quo tamen prius modo in curia domini regis pro nobis judicatum extitit contra eos Ita quod prius ea dominus dux Burgundie hujus judicii sive judicati datus a domino Rege per patentes litteras executorias dominum Willelmum de Vergeyo avunculum suum per jus ab omni gardia et commendisia predictorum abbatis et conventus et hominum ville Besuensis amovit Cum autem per hoc omnia dictus abbas a sua pertinacia nequiret avelli judicio domini Regis parere ac nobis et ecclesie nostre jus nostrum recognoscere et quicquid nos male interceperat emendare contempnens prefacti etiam conventus et homines ex ipsius abbatis reverentia vel amore seu alias pro voluntate sua et diutius adhesissent dicti autem homines maxime ad hoc fatebantur se non audire ab abbatis voluntate recidere in hac parte quia tenebant ne sibi supra dictum juramentum obstaret Tandem idem homines attendentes ex discordia nostra et ecclesie nostre ad ipsos maxime pro jure nostro ex contextu etiam regalis judicii sibi nullo periculo imminere amore usi consilio redeuntes ad eorum a bonis siquidem viris nec non et a nobis plenius interllecto juramentum sibi non obsistere sepe dictum prefato regali judicio se promittentes in perpetuum parituros recognoverunt expresse coram domino duce Burgundie et aliis magnis et multis viris quod nos et quique sit episcopus Lingonensis et gardiam et le resort habemus in villa et hominibus Besue et promiserunt quod de cetero contra hoc non se opponerent Nos vero eos in gratiam nostram recepientes benigne pensatis universis que circa juramentum predictum nobis exponere curaverunt ad omnem scrupulum de eorum cordibus removendum de bonorum et prudentum virorum consilio duximus eis et consilimus quod parendo rei judicate a domino Rege et recognoscendo jus nostrum ut premissum est occasione predicti juramenti nullam notam perjurii incurrent Promisimus eis nichillominus quod si abbas vel conventus super premissis inquetarent eos seu alias molestarent nos eis bona fide impediremus consilium auxilium et favorem et deffenderemus eos sicut nostros Actum anno Domini MCCXXX septimo mense februario