Charter Document - 05100241
| Charter Number: | 05100241 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Religious |
| Charter Type(s): | Ruling |
| Date: | 1223 - 1224 |
| Date type: | Internal, A.D. |
| Resource Link(s): |
|
Charter:
Hugo Dei gratia Lingonensis episcopus dilectis suis in Christo omnibus burgensibus Besue salutem in Domino Quia scimus pro certo dominum Tillicastri nos et villam Besuensem diligere et semper dilexisse ideo ipsum custodem vestrum et ville vestre specialiter deputamus ut vos et res vestras custodiat loco nostri cum nos multociens in negociis et necessitatibus vestris præsentes esse non possemus et nos quod semper obedientes et fideles invenimus ipsi tanquam nobis credatis et quod ex parte nostra vobis injunxerit amicabiliter faciatis Datum anno Domini MCCXXIII mense januario