Charter Document - 05100228

Hugo divina miseracione Lingonensis episcopus omnibus ad quos littere præsentes pervenerint salutem in Domino Noveritis quod cum ab abbate et conventu Besuense haberemus potestatem vendendi jus caducorum seu manus mortue burgensibus Besuensibus pro debito ecclesie solvendo secundum pactiones inter nos et ipsum abbatem et conventum habitas nos eisdem burgensibus laude et assensu abbatis et conventus predictum jus caducorum vendidimus pro duobus millibus et quingentis libris stephanensibus solvendis in festo Omnium Sanctorum usque ad tres annos Ita quod in proximo festo Omnium Sanctorum solvent septingentas libras et eodem festo sequentes anni sexcentas libras et eodem festo tertii anni sexcentas libras et eodem festo quarti anni sexcentas libras Ita quod a proximo festo Omnium Sanctorum in tres annos tota predicta summa pecunie soluta erit Debet autem hec collecta fieri prestitis juramentis ad consideracionem burgensium et mandati nostri et si aliquid poneretur supra hominem qui maneret extra villam et nollet solvere ad tenementum ipsius nos teneremus si tamen valeret aliquin burgenses perficerent de suo Ipsi autem burgenses ubicumque opus fuerit testificari tenentur talem esse consuetudinem Besue quod extranei manentes extra villam et qui habent tenementa sua in villa in hujus modi empcionis libertatum tantumdem tenentur ponere ut si essent manentes in villa Nos autem omnes emendas et actiones quas habebamus ergo eos usque ad hanc diem plenarie quittamus eisdem burgensibus illis exceptis qui contra predictam consuetudinem in solutionem predicte pecunie vellent esse rebelles tenemur etiam predictis burgensibus de predicta venditione legitimam garantiam portare concedentes eisdem jus caducorum tam clericorum quam presbyterorum ejusdem ville quod ad abbatem et conventum debebat de jure devolvi In cujus rei testimonium præsentes litteras fecimus sigillo firmitas Actum anno Domini millesimo CC vicesimo primo mense augusto