Charter Document - 05100190
| Charter Number: | 05100190 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1233 |
| Date type: | Internal, A.D., Feast |
| Resource Link(s): |
|
Charter:
Robertus Dei gratia prime Lugdunensis ecclesie archiepiscopus Omnibus præsentes litteras inspecturis salutem in Domino Noveritis quod cum inter venerabilem fratrem Robertus episcopum Lingonensem ex una parte et nobilem virum Hugonem ducem Burgundie nepotem nostrum ex altera discordia verteretur super hoc videlicet quod idem episcopus dicebat eundem ducem bona ecclesie Sancti Stephani Divionensis saisivisse et super eo quod petebat a Duce et a casatis de Castellione juramentum fieri et assecurationem rerum ipsius episcopi in castellaria de Castellione prout in carta patris ipsius Ducis dicitur contineri et etiam super eo quod communiam Castellioni dicebat episcopus factam in prejudicium suum et ecclesie Lingonensis Tandem in nos concorditer compromiserunt et arbitrium nostrum servare firmiter promiserunt et in hoc specialiter convenerunt quod hac die veneris proxima in crastino instantis Ascensionis Domini dictum nostrum dicemus et si forte quod absit eadem die non dixerimus dictum nostrum ex tunc factum seu negotium memoratum ipso jure revertetur ad statum in quo erat ante compromissum In cujus rei testimonium præsentes litteras sigilli nostri fecimus appensione muniri Actum die dominica proxima ante Ascensionem Domini MCCXXXIII