Charter Document - 05100187
| Charter Number: | 05100187 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | French |
| Charter Origin: | Royal |
| Charter Type(s): | Release |
| Date: | 1209 |
| Date type: | Internal, A.D. |
| Resource Link(s): |
|
Charter:
Item s'ensuit la copie d'une chartre contenant que Eudes jadis duc de Bourgongne fais savoir à tous que comme son prevost et ses sergens de Chastillon eussent emprisonnez les hommes de Monseigneur de Langres ou chastel dudit Chastillon qu'il tient d'icellui Monseigneur de Langres pour ce que l'on imputoit ausdiz hommes avoir commis et perpetré homicide et pour ce que iceulx hommes ne yssussent du chastel il les avoit fait garder mais pour ce que l'église dudit Langres n'encourroit en ce aucun détriment de liberté Il recognoist et tesmoigne par icelles chartres que ces choses furent faites sans son consentement et à son desceu et que sur ce fut faite injure audit Monseigneur de Langres Pour ce ledit Monseigneur de Langres les requist et ne furent point délivrés mais leur furent fermées les portes du chastel Et furent ces choses faites en l'an de grâce mil deux cens et neuf ou mois de mars