Charter Document - 05100186
| Charter Number: | 05100186 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Royal |
| Charter Type(s): | Judgement |
| Date: | 1207 |
| Date type: | Internal, A.D. |
| Resource Link(s): |
|
Charter:
Ego Odo dux Burgundie notum facio omnibus præsentes litteras inspecturis quod cum venerabilis pater dominus meus Robertus Lingonensis episcopus quereretur super communia a me nuper apud Castellionem facta et excommunicationi supposuisset omnes illos qui de communia illa erant asserens quod in ejus prejudicium et contra ipsum facta erat tandem ei spontaneus obtuli et garantavi quod si latam ab eo sententiam relaxaret ego super hoc in ejus curia starem juri spontanea voluntate promittens et quod ab ejus curia ad nullam aliam curiam recurrerem nec appellarem imo libenter totam illam communiam defaciam si jus de sua curia dictaverit quod fieri debeat et tolli Permisi etiam eidem quod sententiam ipsam recudat tam apud Castellionem quam per totam aliam terram meam que posita est in Lingonensi diocesi si me contigerit in aliquo deficere de premissis In cujus rei testimonium præsentes litteras sigilli mei munimine roboravi Actum anno gratie MCCVII mense octobri