Charter Document - 05100182
| Charter Number: | 05100182 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Religious |
| Charter Type(s): | Fraternity |
| Date: | 1190 |
| Date type: | Internal, A.D. |
| Resource Link(s): |
|
Charter:
Ego Petrus Dei providentia Sancti Benigni Dyvionensis abbas et domini Lingonensis episcopi vicarius notum facio præsentibus et futuris quod cum episcopus Lingonensis et ecclesia Castellionis homines et feminas in eadem vicinia haberent et uterque dominus episcopus scilicet Lingonensis et abbas Castellionis hominibus suis prohiberet ne aliquis eorum uxorem nisi sui domini duceret et ita non minimum anime sue periculum uterque dominus incurreret Ego periculi hujus causam extirpare cupiens consilio Petri majoris Castellionis aliorum que prudentium et fidelium virorum fretus de omnibus hominibus et feminis episcopi Lingonis et ecclesie Castellionis cum domino Gyraudo tunc Castellionis abbate communitatem feci Hac sane conditione quod pueri ex hiis nati hereditatem parentum suorum dividant a quocumque dominio procedet hereditas Ut autem hec conventio communitatis rata et inconvulsa permaneat hec omnia scripto commendari et sigilli mei impressione feci muniri Hujus rei testes sunt frater Ranerius et quidam alius Acta sunt hec eo tempore quod dominus Manasses Lingonensis episcopus ivit Jhersolymam cum Philippo Strenuo rege Francorum anno Incarnati Verbi MC nonagesimo