Charter Document - 05100144

Marguerite duchesse de Bourgogne comtesse de Flandres d'Artois et de Bourgoingne palatine dame de Salins comtesse de Rethel et dame de Malines ayant en l'absence de Monseigneur le gouvernement de ses dits duchié et conté de Bourgoingne à tous ceulx qui ces lettres verront salut Comme nos amés les Maire et eschevins de la ville de Beaune à nostre requeste ayent envoyé et mis ou chastel de Talant Jacote femme de Jehan le Geliet de Dijon prisonnière desdits Maire et eschevins pour parler à ladite Jacote sur aucunes choses que nous entendons savoir à elle savoir faisons que nous ne volons que ce tourne à préjudice à la dicte ville ne aux previléges d'icelle et n'est pas nostre entente de faire proceder à la condempnacion ou absolution ne austrement contre ladite Jacote au préjudice des privileges d'icelle ville En tesmoing de ce nous avons fait mettre le petit scel de la court de mondit seigneur à ces présentes Escript à Dijon le XVIe jour de juillet l'an de grâce mil CCCCIIII et quatre