Charter Document - 05100136

In nomine Domini Amen Ex tenore hujus presentis publici instrumenti ad universorum noticiam deducatur quod anno incarnationis Domini millesimo CCC decimo septimo videlicet ultima die mensis novembris indictione prima pontificatus sanctissimi patris ac domini nostri Domini Johannis digna Dei providentia pape vicesimi secundi regnante illustrissimo ac potentissimo principe domino Philippo Dei gratia Francorum et Navarre rege In mei notarii et testium subscriptorum præsentia in ecclesia beate Marie Belne hora quasi prima ipsius diei ad illustrissimum ac potentissimum baronem dominum Odonem ducem Burgundie in eadem ecclesia præsentem ejus venerabili consilio Major scabini ceterique homines de communia ville Belne cornu preconizato ut moris est ibidem congregati et qui ibidem interesse voluerunt et commode potuerunt ipsum dominum ducem humiliter et devote supplicando requisierunt quod quum ipsi haberent libertatem et franchisias a prædecessoribus ipsius domini Ducis et concessas et etiam confirmatas quas quicumque dux Burgundie jurare et conservare teneatur juxta formam seriem earumdem que eas observare jurare placeret Nec non litteras confirmatorias eisdem a quibuscumque concessas laudare ac etiam approbare prout predecessores sui hactemus hoc facere juraverunt Super quibus pro parte dicti domini Ducis ab ejus venerabili consilio gallice fuit responsum per vocem magistri Petri de Sinemuro ejus consiliarii clerici que et cancellarii in modum qui sequitur et in formam [] Omnibus dictis idem dominus Dux de libertatibus et franchisiis dicte communie datis et concessis firmiter tenendis et inviolabiliter observandis secundum formam tenorem et naturam dicte responsive in præsentia corporis Christi tactis sanctis Dei Evangeliis solitum prestitit juramentum Super quibus idem dominus Dux et ejus consilium voluerunt quod ego notarius publicus infra scriptus de omnibus et singulis supra scriptis darem et conficerem dictis Maiori scabinis et communie ville Belne ad requisitionem instantiam ipsorum tales litteras quas maluerint sub quovis sigillo placuerit eisdem ac tale instrumentum et forcius quod eisdem placuerit et quod et quas dictari poterunt ad dictamen sapientium Acta sunt hec anno die mense hora indictione et pontificatu predictis Presentibus nobilibus viris dominis Guillelmo domino de Chaudenayo Alixandro de Blaiseyo Ponceo de Nuxeyo militibus domino Symone Joberti Guidone de Sancto Romano canonicis dicte ecclesie beate Marie Belne Therrieto Robellier dicti domini Ducis valleto et pluribus aliis ad premissa testibus et rogatis Et ego Thiericus de Albomonte clericus habitator Belne auctoritate regia publicus notarius dictorum domini Ducis et ejus venerabili consilii presentie requisitioni dictorum Majoris scabinorum et habitantium ville Belnensis eidem Duci per ipsos facte responsum juramenti corporalis prestatione litterarum que instrumentorum concessiori et omnibus aliis et singulis suprascriptis modo premisso expositis una cum dictis testibus presens interfui Inde hoc presens publicum instrumentum et signo meo solito signavi rogatus Et ego Thiericus predictus auctoritate sacri romani imperii publicus notarius in premissis omnibus et singulis suprascriptis prout superius de verbo ad verbum exprimatur una cum dictis testibus presens interfui Inde hoc presens instrumentum iterum publicari et signo meo solito signavi rogatus Th de Albomonte