Charter Document - 05100135
| Charter Number: | 05100135 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | French |
| Charter Origin: | Lay |
| Charter Type(s): | Declaration |
| Date: | 1304 |
| Date type: | Internal, A.D., Feast |
| Resource Link(s): |
|
Charter:
A tous cels qui verront ces præsentes lettres Nos Jehan des Granges Baylliz de Dygon facons savoir que com li Maires et li eschainz de Beaune à nostre requeste nos haient fait et laissier parler à une femme que il tiennent en lor prison Nos lor promettons en bone foy por nos et por nos successours que il n'est de nostre entancion ne ne volons que il leur tornoit ne face préjudice à aux ne à lor commune quant à enffreindre ne corrompre aucun des pointz de lor privileges ou de lor franchisses ne ne povons reclamer possession ne saisinee pour ce fait de parler dois or en avant à prasonier que il haient ne tiennent ou tamps à avenir se n'estoit de lor grey et de lor velunté En tesmoingnage de la quelle chouse nous avons mis nostre seal à ces présentes lettres Donné le lundi après l'octave de la Penthecoste l'an de grâce MCCC et quatre