Charter Document - 05100129
Charter Number: | 05100129 |
---|---|
Cartulary Title: | Chartes de communes et d'affranchissements en Bourgogne |
Charter Language: | Latin |
Charter Origin: | Religious |
Charter Type(s): | Guarantee |
Date: | 1232 |
Date type: | Internal, A.D. |
Resource Link(s): |
|
Charter:
Guido Dei gratia Eduensis Episcopus universis præsentes litteras inspecturis eternam in Domino salutem Noveritis quod ad requisitionem Hugonis ducis Burgundie promisimus et tenemur hominibus ejusdem ducis ville Belne quod si idem dux per se vel per alium resilierit a libertate marcarum argenti quam ipse dedit et concessit eisdem hominibus Belne et eorum heredibus in perpetuum aut si resilierit a pactionibus que in carta super hoc confecta continentur plenius quam idem dux dictis hominibus sigillo suo sigillatam tradidit in anno Domini MCC tricesimo secundo Nos usque dum ad libertatem predictam tenendam et ad alias pactiones carte sue predicte tenendas et observandas redierit et dampna eisdem hominibus ex inde facta integraliter restituerit terram suam et suos ubicumque sint in nostra diocesi præter villam Belne homines districto sub ponemus interdicto et faciemus firmiter observari competenti monitione premissa et hoc faciemus quocienscumque clamor dictorum hominum super resultu dicti ducis ad nos pervenerit aut per certum mandatum ipsorum nobis fuerit nuntiatus quibus hominibus vel cui certo mandato credemus de resultu ejusdem ducis per suum proprium sacramentum In hujus rei testimonium presenti pagine sigillum nostrum apposuimus Actum est hoc anno domini millesimo ducentesimo tricesimo secundo