Charter Document - 05100128
| Charter Number: | 05100128 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Religious |
| Charter Type(s): | Guarantee |
| Date: | 1232 |
| Date type: | Internal, A.D. |
| Resource Link(s): |
|
Charter:
Robertus Dei gratia prime Lugdunensis ecclesie Archiepiscopus universis præsentes litteras inspecturis eternam in Domino salutem Noveritis quod nos ad petitionem et instantiam dilecti consanguinei et fidelis nostri Hugonis ducis Burgundie promisimus et tenemur hominibus ejusdem ducis ville Belne quod si idem dux per se vel per alium resilierit a libertate marcharum argenti quam ipse dedit et concessit eisdem hominibus Belne et heredibus eorum in perpetuum aut si resilierit a pactionibus que in carta ex inde confecta continentur plenius sigillo ejusdem ducis sigillata et dictis hominibus tradita in anno domini millesimo ducentesimo tricesimo secundo Nos usque dum ad libertatem predictam tenendam et ad alias pactiones carte sue predicte tenendas et observandas redierit et dampna eisdem hominibus ex inde facta integraliter restituerit terram suam et homines suos ubicumque sint in nostra provincia præter villam Belne indelectum suffraganeorum nostrorum quorum litteras super eisdem pactionibus penes se habent sicut intelleximus homines Belne predicti districto supponemus interdicto et faciemus firmiter observari premissa tamen competenti monitione et hoc faciemus quocienscumque clamor dictorum hominum super resultum dicti ducis ad nos pervenerit aut per certum mandatum ipsorum nobis fuerit nuntiatus Quibus hominibus vel cui certo mandato credemus de resultu ejusdem ducis per suum proprium sacramentum In hujus rei testimonium præsentes litteras sigillo nostro duximus roborandas Actum anno domini millesimo ducentesimo tricesimo secundo