Charter Document - 05100051

A vos très haut et excellent prince monseigneur le duc de Borgoine lour très chier et redoté soignour Supplient humblement li Maires et li escheviz et la commune de Dyjon que cum votre devantier duc de Borgoine notre tres chier soignour cui Dex absoille nous haient doné commune libertez et franchisses escriptes et seelées de lour seauls et conformées des roys de France et vous par vostre grant bonté et leauté hayés reconformées les choses desusdites De laquele nostre reconformation vos nos avez outoyé à bailler lectres sus vostre seaul si cum nos les havons de vos devantiers que il vous plaise ledictes lettres faire seauller et à nos délivrer et que vos facoiz cesser vostre bailif vostre prevot et vos sergenz de Dyjon de faire les grief que il font à nos de jour au jour contre lesdiz previleges liquel grief s'enseugvent Premièrement vostre bailliz de Dyjon prevoz et sergenz prannent saissisent et arrestent en la vile et de fueurs dedanz la banleuhe de Dyjon sens requerir ne motre en déffaut li Maiour a les juriez de ladite vile lesquels choses sunt contre le previlege de ladicte ville qu'il dit Nullus infra villam Dyvionis vel extra infra banleucam aliquem potest capere nisi Maior et jurati quandiu de eo justiciam facere voluerint Item vostre bailliz de Dyjon ajorne et fait a ajorner de jour en jour les habitanz de la vile de Dyjon pardevant soy à Talant et à Beaune et autre part sur injures violances et despitz faiz à Monseigneur et à ses genz et à ses sergenz si comme l'on dit lesquelx choses sunt contre le previlege qu'il dit Si quis de communia vel ipsa communia aliquid mihi fore fecerit oportebit ut ego in curia Sancti Benigni per Majorem communie ad judicium juratorum justiciam de eo vel de ea capiam nec eos extra predictam curiam vel placistare vel quartam monstrare compellere potero Item cum uns vostre bourjois de Dyjon que l'on appeloit Mathier le chandelier soit trespassez et plusours autres por le tans de horandroit liquel estoient recehu an ladicte commune comme vostre home et vostre burjois et au vehu et au sehu de lour soignours bien cinquante ans et plus Jehanz Percevaux damoyseaux et autres soient venus et disint que li biens desdiz morz lor soient escheor por ce qu'ils avoient esté lour home si comme il disoient et vehulint avoir lour biens laquel chose il ne pevent faire et se seroit ou grand préjudice de vos et de ladite commune et plus de vos que de ladite commune laquel chose ne puet estre faite por point de chatre qu'il dit Sciendum vero quod communia potest retinere homines cujuscumque dominii sint in villa Dyvionis secundum consuetudines et usagium patris mei et predecessorum nostrorum sine hominibus domini Saly Item vos gens nos troblent sans cause toutes eschoietes qui à vos pevent avenir c'est à savoir et biens de mutriers de bestars des larrons et de toutes autres choses de escheoites et de espaves laquel chose est contre le point de la chartre qu'il dit Dedi etiam eis quicquid dominus Girardus Rationem apud Divionem habebat et omnes hechoitas in hominibus que ad me devenire debent Item com por vostre dobt Jheanz Marioche Vacelins li Lombarz et plusours autre tuit vostre bourjois de Dijon soient et haient esté priz retenus longuement en cors et an biens lesquels choses sont contre le previlege qu'il dit Preter hec eis concessi quod si homo de communia pro debito meo bene et fideliter cognito captus fuerit vel aliquid amiserit de meis redditibus vel de causa mea si redditibus non sufficient reddimetur vel si quid amiserit restituetur Item li prevoz de Dyjon por lui et pour ses sergenz prant et fait pranre des choses des homes de la commune et ne la veut randre por le Maiour qui est contre le previlege qu'il dit Concessi etiam eis quod præpositus meus Dyvionis aliquid ceperit de rebus hominum communie reddet sine omni placito quantum homo ille probaverit si legitimus a Maiore communie testificatus fuerit Item li prevoz de Dyjon font mout de grief plusours fois à la commune de Dyjon en prenant saisissant et arrestant personnes et biens en la ville et fueurs de la ville en la banleuhe de Dyjon et le refacent à amander por le Maiour de Dyjon laquel chose est contre le point de la chartre qu'il dit Si præpositus Divionis aliquid contra communiam fecerit per Maiorem emendabit Item vostre chastelains de Thalant ou grief et ou préjudice de nos et en empeschant la juridiction de nos et de nos previlaiges tient jours et cognuit de touz faiz que li Juhi font et que ils ont à faire à autres genz de nostre commune et d'autres laquel chose ne puet ne doit faire por les points des chartres qui dient Donavi etiam eis Eliam Judeum cum suis heredibus Vigerio qui eum tunc ex meo dono habebat ipsumque quittante et donum laudante Item pour autre point de chartre qui dit Odo dux Burgundie sciant universi tam præsentes quam futuri quod anno ab Incarnatione Domini millesimo centesimo nonagesimo sexto discordia fuit inter me et communiam Divionensem que pacificata fuit in hunc modum Quittaverunt enim mihi villam que vocatur Faennay quam pater meus dederat eis assensu meo et laude mea Et ego dedi communie bannum Divionensem et Judeos et attractum libere Judeorum Item par autre chartre qui dit Ego Hugo dux Burgundie omnibus notum facio quod dedi et concessi Majori et scabinis Divionis Judeos meos Divionenses et volo quod sint de sua communia Et cumbien sire que li poinz des chartres desusdictes soient sofisamment esclarcies de lour si havons nos por point de chartres autre que lidiz poinz et chartres soient exposey au plus grant profit que l'on porrai por la commune et por le point de chartre qui dit Promittimus insuper pro nobis et nostris heredibus et successoribus