Charter Document - 05100050

Nos Hugo dux Burgundie notum facimus universis præsentibus et futuris quod nos libertates immunitatesve scriptas hactenus datas et concessas Majori scabinis communie seu hominibus et habitantibus ville Divionensis a bone memorie Roberto carissimo patre nostro Hugone avo nostro ceterisque parentibus et prædecessoribus nostris quibuscumque ducibus Burgundie confirmationesque dictarum immunitatum et libertatum hactenus a dictis hominibus Divionensibus obtentas a predictis nostris parentibus et prædecessoribus prout in litteris quas Divionenses penes se habent sigillorum predecessorum nostrorum munimine roboratas plenius continetur ex nostra certa sciencia scientes et spontanei laudamus approbamus ac etiam per præsentem paginam confirmamus Confirmationes nichilominus illustrissimi Domini nostri Philippi Francorum regis aliorumque regum predecessorum suorum obtentas a dictis hominibus Divionensibus super immunitatibus et libertatibus scriptis eorumdem et prout scripte sunt laudamus et approbamus expresse Manutenebimus etiam personas dictorum habitantium et res eorum et cunservabimus imperpetuum fideliter in suis scriptis libertatibus et immunitatibus memoratis Juravimus etiam coram Deo et hominibus predicta omnia et singula prout superius sunt expressa pro nobis heredibus et successoribus nostris quod ad hec specialiter et ex certa scientia obligamus eisdem Majori scabinis communie habitantibus que omnibus et singulis ville Divionensis tenere et inviolabiliter observare et in nullo contraire Volentes quod si in aliquo pergentes nostras libertates predicte infracte de facto fuerint postquam de infractione legitime constiterit ad statum debitum reducantur In quorum omnium robur et munimen sigillum nostrum præsentibus litteris duximus apponendum Datum apud Divionem die dominica post festum Nativitatis Domini anno incarnationis ejusdem millesimo trecentesimo tertio decimo mense decembris