Charter Document - 05100045

Philippus Dei gratia Francorum rex notum facimus universis tam præsentibus quam futuris quod cum discordia esset coram nobis inter carissimum sororium et fidelem nostrum Robertum ducem Burgundie ex una parte et ejus communitatem ville Divionis ex altera super eo quod dicta communitas dicebat dictum Ducem emisse vicecomitatum Divionis quem in manu sua tenere non poterat ut dicebant memorato Duce contrarium asserente Tandem accordatum fuit inter dictas partes coram nobis hoc modo videlicet quod dictus Dux tradidit dicte communitati dictum vicecomitatum ad perpetuam firmam pro mille libris Turonensibus solvendis ad Candelosum annuatim scilicet quingentis libris perpetuo et quingentis libris ad vitam ipsius Ducis et ad vitam carissime sororis nostre Agnetis consortis ejusdem Ducis vel eorum superviventis Et post eorumdem Ducis et Ducisse decessum dicta communitas persolvet eorum heredibus dictas quingentas libras dicto termino Et quandiu ipsi ambo Dux et Ducissa vivent et post eorum decessum dicta communitas persolvet dicto Duci et ejus heredibus cum summa predicta quingentas marchas argenti eo modo quod consueverint persolvere quas debet quolibet anno pro censa sua in die Ramis Palmarum Et si deficerent in pagamento mille librarum predictarum dicto termino in toto vel in parte dicta communitas teneretur dicto Duci vel ejus heredibus reddere decem libras Turonensium de qualibet die qua deficerent de pagamento pro dampno quod dictus Dux haberet pro defectu dicti pagamenti Et est sciendum quod illi de communitate antiqua et illi de vicecomitatu persolvent summas superius nominatas dictis terminis tali modo scilicet quod qui habebit valorem mille librarum et plus persolvet decem libras quolibet anno et ille qui habebit centum libras viginti solidos et sic descendendo et ascendendo usque ad mille libras Et si dicte summe argenti prout sunt divise non possent reperiri in jactu predicto rejactaretur dictus defectus super quolibet modo predicto Et eciam sciendum est quod illi de vicecomitatu nichil debent de debitis neque de chargiis in quibus villa Divionis tenebatur de tempore præterito usque ad accordatum modernum Accordatum est eciam quod dicta communitas debet dare dicto Duci ratione dicti accordatus quinquies mille libras usque ad quinque annos quolibet anno mille libras ad dictum Candelosum persolvendo et quingentas libras persolvendo modo dicte Ducisse Et omnes libertates quas dicta communitas habebat eidem remanet in tali puncto et in tali virtute quibus eas habebant tempore date præsentium litterarum In cujus rei testimonium præsentibus litteris nostrum fecimus apponi sigillum salvo tamen in omnibus jure nostro et jure quolibet alieno Actum Parisiis anno Domini MCC octogesimo secundo mense decembris