Charter Document - 05100044
| Charter Number: | 05100044 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Royal |
| Charter Type(s): | Restoration |
| Date: | 1277 |
| Date type: | Internal, A.D. |
| Resource Link(s): |
|
Charter:
Nos Robertus dux Burgundie Francie camerarius notum facimus universis præsentes litteras inspecturis quod cum propter defectum cense quingentarum marcharum nobis debite et non solute regimen ville Divionensis in manu nostra cepissemus et Odonem de Salmasia Majorem Divionensem et scabinos ad regimen dicte communie Divionensis cum dicto Odone creatos a dicto regimine amovisse mus et Petrum de Antigniaco nomine nostro Majorem et novos scabinos cum ipso in regimine dicte communie instituisse mus super quibus dicti Odo et scabini cum ipso creati domino regi Francie conquesti fuerant petentes ut sibi et communie Divionensi præmissa faceret emendari dicentes dictum dominum regem juxta tenorem litterarum prædecessorum suorum dicte communie concessarum ad hoc teneri Nos captionem amotionem et institutionem predictas pro bono pacis et de bonorum consilio penitus adnullamus nolentes quod occasione earundem Majori scabinis et communie Divionensis in libertatibus juribus et consuetudinibus suis seu privilegiis et cartis tam a clare memorie Philippo Francie rege quam a nostris prædecessoribus Burgundie ducibus dicte communie concessis aliquod impostorum præjudicium generetur Immo volumus et concedimus quod status communie Divionensis in omnibus et per omnia in ea integritate et firmitate integer et illisus permaneat in quibus erat ante tempus captionis amotionis et institutionis predictarum et carte et privilegia dicte communie eandem roboris firmitatem obtineant quam habebant ante tempus captionis amotionis et institutionis predictarum In cujus rei testimonium et munimen præsentes litteras dedimus nostro sigillo sigillatas Actum anno Domini MCC septuagesimo septimo mense januario