Charter Document - 05100038
| Charter Number: | 05100038 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Religious |
| Charter Type(s): | Guarantee |
| Date: | 1231 |
| Date type: | Internal, A.D., Calendar |
| Resource Link(s): |
|
Charter:
Rotbertus Dei gratia prime Lugdunensis ecclesie Archiepiscopus universis præsentes litteras inspecturis in Domino salutem Noveritis quod nos ad petitionem et instanciam dilecti consanguinei et fidelis nostri Hugonis ducis Burgundie promisimus et tenemur hominibus ejusdem Ducis ville Divionensis quod si idem Dux per se vel per alium resilierit a libertate marcharum argenti quam ipse dedit et concessit eisdem hominibus Divionensibus et heredibus eorum in perpetuum aut si resilierit a pactionibus que in carte ex inde confecta continentur plenius sigillo ejusdem Ducis sigillata et dictis hominibus tradita in anno Domini MCCXXX primo nos usque dum ad libertatem predictam tenendam et ad alias pactiones carte sue predicte tenendas et observandas redierit et dampna eisdem hominibus exinde facta integraliter restituerit terram suam et homines suos ubicumque sint in nostra provincia præter villam Divionensis in defectum suffraganeorum nostrorum quorum litteras super eisdem pactionibus penes se habent sicut intelleximus homines Divionenses predicti districto supponemus interdicto et faciemus firmiter observari competenti monitione Et hoc faciemus quociescumque clamor dictorum hominum super resultu dicti Ducis ad nos pervenerit aut per aliquem certum mandatum eorum nobis fuerit nunciatus Quibus hominibus vel cui certo mandato credemus de resultu ejusdem Ducis per suum proprium sacramentum In hujus igitur rei testimonium præsentes litteras sigillo nostro duximus roborandas Actum Divioni XIII Kalendas januarii anno Domini CC tricesimo primo