Charter Document - 05100029
| Charter Number: | 05100029 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Lay |
| Charter Type(s): | Ratification |
| Date: | 1221 |
| Date type: | Internal, A.D. |
| Resource Link(s): |
|
Charter:
Ego Vuillermus de Vergeio Burgundie senescallus omnibus notum facio me jurasse quod si Alaydis ducissa Burgundie soror et domina mea vel Hugo filius ejus nepox et dominus meus vel alius caperent aliquem vel res communie Divionensis seu disturbarent vineas ad vindemiandum seu gravamen aliud inferrent dicte communie usque dum dictus Hugo dominus et nepox meus ad vicesimum primum annum etatis sui venerit ego interim bona fide et pro posse meo sub juramento meo prestito dictam Ducissam vel filium ejus prenominatum seu quemlibet alium ad hoc inducerem et ad hoc laborarem et consilium fideliter adhiberem ut et homines seu res de communia Divionensi quas tenerent redderent et quod ab omni disturbatione vendemiarum et quod ab omni gravamine inferendo dicte communie cessarent et quod de illatis gravaminibus dicte communie satisfacerent Quod si ad monitionem et instanciam meam facere recusarent ego omnibus de communia Divionensi qui vellent se alibi transferre consilium auxilium et conductum et eorum rebus pro posse meo sub juramento meo premisso ubicumque se transferre vellent preberemus In hujus rei testimonium præsentibus litteris sigillum meum apposui Actum anno gratie MCC vicesimo primo