Charter Document - 05100020
| Charter Number: | 05100020 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Royal |
| Charter Type(s): | Declaration |
| Date: | 1197 |
| Date type: | Internal, A.D., Calendar |
| Resource Link(s): |
|
Charter:
Ego Odo dux Burgundie notum facio universis quod Major et jurati communie Divionis ne suorum minus discretorum excessus in dampnum universitatis nimis excrescerent impetraverunt a me sibi donari omnes illos excessus secundum suam considerationem pecunie ad ville deliberationem posse punire quos carta sue communie a patre meo et a me sibi donata nominatim non exprimit ex toto meos esse in omni pecunia et corpore rei Donavi etiam eis et bona fide concessi quod si communia quanquam quod absit dissolveretur mihi vel heredibus meis non liceret dictam punitionem retinere vel in consuetudinem protrahere nec aliquam eos occasione hujus punitionis in causam trahere Donavi etiam eis Heliam judeum cum suis heredibus Vigerio qui eum tunc ex meo dono habebat ipsum quittante et donum laudante Actum anno Incarnati Verbi MCXCVII V nonas julii Quod ut ratum habeatur huic carte sigillum nostrum fecimus apponi