Charter Document - 05100018

Charter Document - 05100018


Charter Number: 05100018
Cartulary Title: Chartes de communes et d'affranchissements en Bourgogne
Charter Language: Latin
Charter Origin: Religious
Charter Type(s): Promise
Date: 1194
Date type: Internal, A.D.
Resource Link(s):

Charter:

Noverint universi quod ego Garnerius Dei gratia Lingonensis episcopus ad petitionem Odonis ducis Burgundie communiam Divionensem manutenendam sub hac forma recepi quod si dictus Dux ab institutis memorate communie resilierit et resultus per abbatem Cistercii vel per abbatem Clarevallis vel per unum suorum monachorum quibus solo suo verbo credam vel per unum burgensem Divionensem cui solo juramento credam mi nunciatus fuerit nos totam terram dicti Duci que in nostro episcopatu est præter Divionem interdicto supponemus et interdictum teneri firmiter faciemus donec resultus jam dicte communie emendatus fuerit et homines suos memorate communie qui ad nos causa securitatis refugerint cum rebus suis in terra nostra salvum eis prebentes conductum recipiemus quos dicto Duci vel ejus mandato de aliquo respondere in causa cogere non possumus quandiu discordia inter ipsum Ducem et communiam Divionensem fuerit Quod ut ratum habeatur huic carte sigillum nostrum apposuimus Actum anno ab Incarnatione Domini millesimo ducentesimo nonagesimo quarto