Charter Document - 05100009
| Charter Number: | 05100009 |
|---|---|
| Cartulary Title: | Chartes de communes et d'affranchissements en Bourgogne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1193 |
| Date type: | Internal, A.D. |
| Resource Link(s): |
|
Charter:
Ego Odo dux Burgundie notum facio presentibus et futuris quod prestito juramento reconfirmavi burgensibus Divionis communiam suam et firmiter tenendam promisi sub hoc tenore quod si ego resilirem ab institutis dicte communie resultus factus nunciaretur regi Francorum per abbatem Cistercii vel per abbatem Clarevallis vel per unum suorum monachorum quibus crederetur suo verbo vel per unum burgensem Divionis cui crederetur suo juramento Hoc eodem modo crederetur resultus nunciatus Archiepiscopo Lugdunensi et episcopis Lingonensi et Cabilonensi et Eduensi quos bona fide rogo ut totam terram meam preter Divionem interdicto subponant donec resultum communie emendaverim et ut hoc irrefragabiliter teneatur presens scriptum sigillo meo confirmavi Actum Incarnati Verbi anno MC nonagesimo tertio