Charter Document - 05091099
| Charter Number: | 05091099 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1052 |
| Date type: | Internal, A.D. |
| Resource Link(s): |
|
Charter:
Veniens ergo idem Papa ad civitatem Lingonas ordinavit ibi Domnum Arduinum Episcopum pro illo qui fuerat ejectus Dumque ibi demoraretur proferrenturque in medium diverse diversarum Ecclesiarum disceptationes ac inter se calumpnie ut pote ante patrem universalem et Apostolicum recte et Canonice terminande contigit etiam de nobis et de Canonicis Lingonensibus rationem haberi Ipsi namque volebant de vinea nostra que est sub Gibriaco decimam habere Unde cum rationem intellexisset Domnus Papa Leo erupit in voce et quid in Archivis sancte Romane Ecclesie inde viderat ostendit dicens Sanctorum Patrum qui ante me sancte Romane sedi prefuerunt auctoritate sanctitum est ut nulla Ecclesia que in honore B Petri Apostolorum Principis sit fundata alteri Ecclesie censum vel decimas persolvat Cujus rationis et auctoritatis pondere repressi ipsi Canonici conticuerunt Isdem vero venerabilis Arduinus Episcopus inter cetera beneficia que huic loco contulit petente Abbate Olgerio a summo Pontifice Romane Ecclesie peciit fieri decretum in quo continetur ut nullus presumat huic Monasterio vim inferre vel eum in subjectionem cujuscumque Monasterii redigere et ut nullus audeat infra unam leuvuam a Monasterio vim aliquam inferre cujus exemplar decreti placuit huic libro inserere ut audientes discant quantum inmineat illis periculum qui non timent obligari anathematis vinculo per Petri Apostoli Vicarium Anno Incarnationis Dom MLII Presidebat sancte Romane Ecclesie Domnus Leo Papa Cujus hec sunt verba