Charter Document - 05090334

Quante pietatis desiderio debeamus eterna meditari labentis mundi casus indicat qui cotidianis defectibus videtur annullari Presens etenim vita que in suis stipendiis erumnosa conspicitur quicquid confert infirmum est et fragile et quod sui amatorem tandem reddat miserrimum evidenter conprobatur In cujus siquidem dispendiis quia multiplex pro inbecillitate carnis patimur detrimentum ipsa mors per quam omnis caro destituitur doloris et timoris nobis est argumentum Pro respectu hujusmodi nolens amplius adquiescere carni et sanguini sed Majestatem celi propiciam promereri ego Martellus de Malleio volensque de peccatis agere penitentiam que per mee juventutis commisi laciviam animo proposui sepulchrum Domini Jherusalem invisere ac Besuensem Ecclesiam que mea est parrochia prout patris antecessorumque meorum testatur sepultura largiori bonorum meorum erogatione consilio caritatis placuit augmentare Deo itaque et sancto Petro fratribusque Besuensis cenobii in presencia Domni Abbatis Gerardi concedente et laudante Comite Guillelmo cui in custodia et protectione terram meam dimisi donavi duas in Sagonna piscarias unam quam ante dederam aliam quam dedi cum hoc iter arripui Dedi autem hoc tenore ut si opus fuerit piscator servientem habeat qui ad gubernandam navem eum adjuvet et ea que in arte vel officio piscandi sunt necessaria ei famulando subministret Hominem enim qui solus nititur operari cum parum aut nichil proficiat opportet adjuvari Dedi eciam pratum unum quod dicitur Brachium Lamberti Dedique nemus quod juxta Sagonnam Wevra appellatur et omnia memora que habeo circa villam que Beesca vocatur dedi Monachis ibidem manentibus [] ex illis omne quodcumque fuerit necessarium Monachis et hominibus ipsorum in asimentum Dedi etiam decimas de Flagei et parochiali cum et omnem usum et consuetudinem in nemoribus et in sylvis ipsius ville cum omni libertate Ad hanc donacionem addidi decimam quarte partis de portu Dedi etiam paagium S Sequani quod meum erat concessique et donavi Monachis Besuensibus ut porcos suos in dominicales in nemora mea ubicumque habuero mittant et sine pastio natico per omnia libere currant Monachi vero qui apud Beescam manebunt similiter faciant per omnia nemora mea porcos suos in dominica biles sine pastionatico mittant et centum desuper si adtrahere porcos voluerint Qui siquidem Beescenses Monachi quia pro remedio antecessorum meorum ibi sunt mancipati nolo quod aliqua vexacione mala per meos homines videantur fatigari Quapropter concessi et in loco elemosyne mihi constitui ut villam illam Beescam videlicet in qua habitant cum omni libertate habitent ipsi Monachi et precepi ut homines mei qui terras habent in villa illas claudant et sepes oportunas apponant ne animalia ville quod intus fuerit devastare prevaleant Quod si claudere noluerint et aliquod dampnum evenerit homo ville in causam non trahatur et nemini inde respondeat nec dampnum nec legem inde persolvat Et si homo predicte ville dampnum per clausuram male factam susceperit Comiti Guillelmo ostendat clamorem et ipse Comes plenariam super hoc faciat justiciam Et ut hec donatio autentico roboretur privilegio subscriptorum virorum firmamus testimonio Sig Martelli qui hoc donum fecit Sign Wilelmi Comitis Sign Girardi Abbatis Sign Constantii de Derneyi Abbatis Sign Poncii de Silium Sign Gileberti Prioris Beesce Sign Parisii Canonici de Masenot Sign Roberti Militis de Bille Wido Trosellus Walo de terre Divion [] pro sua suorumque eterna salute [] filii sui Guillelmi nuper defuncti et honorifice Besue sepulti dedit liberrime Deo et Ecclesie Besuensi hec subtus annotata perpetuo jure possidenda volentibus atque laudantibus uxore cum filiis nec non et fratribus Richardo scilicet et Girardo Mansum unum videlicet apud Balenavam eo tenore ut habitator ipsius usus consuetudinales habeat sicut prius in aquis in terris in pascuis et in sylvis ejusdem Humberti et successorum ipsius Dimisit quoque nummos quatuor quos Monachus Arcionensis ei debebat annuatim pro ripa molendini sui in festivitate sancti Martini Dedit etiam quatuor jugera terre que habentur prope arborem ulmum que de Mulmis dicitur Addidit his et falcem prati prope pontem Arcionensem siti Cujus donationis testes idoneos etiam subscribere curavimus Quorum nomina sunt hec De Monachis Abbas Joffredus Poncius Prior Guido Sacrista Bartolomeus frater ejusdem Humberti Robertus Verna Milites Hugo de Asperomonte Aymo Columba Aymo de Minure Aymo Bornus Burgenses Petrus de Pauliaco Maletus Johannes coquus et alii quam plures