Charter Document - 05090328
| Charter Number: | 05090328 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1139 - 1145 |
| Date type: | Assigned |
| Resource Link(s): |
|
Charter:
Ad omnipotentis Dei laudem providentes futurorum utilitatem monimentis tradimus litterarum ne aliqua oblivionis obfuscetur nebula vel malorum aliquando perturbetur audatia Presentibus igitur cunctis fidelibus notificamus quod Domnus Hugo Bellimontis Dominus divino igne succensus et de salute anime sue sollicitus dederit Deo et sancto Petro et huic Besuensi Ecclesie Molendinum quod Petrus Rufus tenebat ante Ecclesiam sancti Martini situm cum Molendinario et ejus domo et prato et omnibus appendiciis suis laudante filio suo Hugone qui tunc predicto castro dominabatur et uxore sua Mathilde per manum Domini Gotefredi Lingonensis Ecclesie Pontificis die qua predictam Ecclesiam consecravit Hujus donationis testes idoneos adsignamus Sig Gotefredi Episcopi Sig Euvini Dacels et filiorum ejus Hugonis et Hugonis cognomento Werra et Milonis Sig Milonis de Poiens et Hugonis fratris Sign Hugonis Chaine et filii ejus Et de clientibus Humberti de Soleri et Warnerii fratris ejus Christiani et Alberti et aliorum multorum Post non multum temporis cum superna Providentia incitasset fideles ad confutandam Paganorum perfidiam conpunctus Hugo filius supradicti Hugonis cum in expedicione Hierosolymitane proficisci deberet incertus quid de se rei eventus daret devotus Capitulo fratrum vale dicturus eis adiit de malis a se Ecclesie Besuensi irrogatis veniam postulavit fratrumque orationibus se commendans eleemosynam fecit Habebat namque in villa sancti Petri que Pauliacus dicitur medietatem justiciarum et terram et homines ipsam tenentes Que cuncta eis concessit presente et laudante patre suo Hugone Testes hujus rei sunt qui adfuerunt in Capitulo cum eo pene omnis Besuensium hominum et Monachorum multitudo et de Militibus Hugo pater ejus Josbertus Gloseius Wido Dessartinis Viardus de Renavis Wido Rufus Hugo Chaine Wido Ravinellus et alii multi Adjungimus etiam quod alius quidam Miles Fredericus nomine de Campaniis Hierusalem iturus in eodem Capitulo concessit sancto Petro et fratribus Besuensis Cenobii molendinum cum appendiciis suis apud Blainiset et terram et cuncta que habebat in eadem villa adstantibus et laudantibus Hugone Domino Belmontensi et Hugone Caine fratre suo et ceteris supradictis