Charter Document - 05090315

In nomine Domini Amen Quoniam majorum nostrorum ac sanctorum aliorum autoritas Cirografa beneficiorum nostrorum Ecclesiasticorum redituumque institutorum privilegia scripta in usibus nostris ad preteritorum memoriam revocandam habere nos instituit suorumque institutorum quam plurima nobis exempla reliquerit omnia beneficia a nobilibus fidelibus nostris vel inmobilibus Clericis vel Laicis pro Christi nomine nobis collata memorie sancte scriptis comendare consuevimus ut ostensis beneficiorum nostrorum frequentissime cedulis benefactorum nostrorum animarum in orationibus frequens memoria habeatur illaque beneficia memoriter teneantur ne pro deleta eorum memoria inportunus error sequatur Nos ergo inter alia pleraque beneficia nostra unum speciale et magnum beneficium a Burgundiorum Consule Renaldo nobis illatum opere precium sub silentio oculere non existimavimus tum quia tanta res intitulatione est digna tum quia a tanta et tam digna persona est acta Omnibus itaque Catholicis notificare hec presenti scriptura satagimus quod Renaldus Comes potissimus Deo et sancto Petro ejus Apostolo Besuensis Basilice Patrono sanctoque Dei Martyri Christophoro Camllentensis Celle nostre advocato instinctu divino nulla coactus offensa sed voluntate pia et bona libere et absolute donavit quicquid de feodo suo unusquisque de eadem villa tam nobilis quam ignobilis Clericus vel Laicus pro se vel predecessorum suorum animarum requie predicte celle nostre Fratribus dederat vel daturus fuerat dum tantummodo ex hoc totum feodum suum ipse non omittat assumpta hujus rei occasione ex hoc quod Oddo Prepositus suus tyrannide sua septem marchas argenti hominibus de Novavilla abstulerat quas ipse Domno Girardo Abbati statim ut injuriam presensit rediturum se firmiter edixit Hujus etiam redditionis fide jussores Domnum Hugonem de Bellijoco et Dom Girardum de Strabona nec non Othone de Durnecto et Humbertum de Trimolario predicto Abbati dedit Quo toto beneficio diffinito Ecclesiam sancti Dei et Martyris Christophori se comitantibus multis festinus intravit ac ibi ante altare flexo poplite coram omnibus adstantibus de injuria supradicta manu etiam sua super ipsum altare imposita Deo ac S Christophoro et Abbati Girardo fecit rectum Et hoc faciendo quod nullum jus nullamque calumpniam ejusdem injurie in supradicta hominibus faciende habuisset recognovit Hoc autem factum est die quadam Dominica diliculo cum etiam divina Missa in supradicta Ecclesia celebraretur Qua die etiam ad colloquium contra Episcopum Lingonensem proficiscebatur Hujus rei testes sunt quatuor supradicti argenti fidei jussores Hugo videlicet de Bellijoco Girardus de Strabona Otho de Durnecto et Humbertus de Trimolario et Odo suus Prepositus et Guillermus Sylvestris Odo Albus et Hugo frater ejus Isti de parte Consulis De parte Abbatis Guirricus Prior de Fontevenne Gothifridus Prior Camllentensis Poncius de Silvenneiaco In Christo Jhesu Domino nostro