Charter Document - 05090308
| Charter Number: | 05090308 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | Undefined |
| Date type: | Assigned |
| Resource Link(s): |
|
Charter:
In nomine summe et individue Trinitatis Ego Gothefredus Dei gratia Lingonensium humilis Episcopus omnibus sancte matris Ecclesie filiis in perpetuum Notum facimus tam presentium etati quam future posteritati Domnum Gerardum Besuensem ejusdemque loci Monachos decimam partem allodii quam habebant in Colungiis et omnem parrochiam et ad ipsam pertinentia per manum nostram sanctimonialibus de Colungiis dedisse et concessisse Ita tamen quod singulis annis ab ipsis sanctimonialibus Abbas Besuensis Ecclesie sex libras de cera usque ad octavas Natalis Domini pro allodio et parrochia haberet Concessit etiam idem consenciente suo Capitulo sanctimonialibus de Colungiis decimam ejusdem loci quam quidam homines sibi usurpaverant Pro qua decima mulieres ibidem Deo devote reddant eis octo minas bladi per medium annuatim