Charter Document - 05090302
| Charter Number: | 05090302 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1134 |
| Date type: | Internal, A.D. |
| Resource Link(s): |
|
Charter:
Universi fidei Christiane domestici sanctam Dei Ecclesiam animi devotione gloriosam et muneribus in quantum possunt largissimis facere debent locupletem Qua si quidem animadversione compunctus et a sancto Spiritu spiritaliter instinctus ego Hugo de Bellomonte cum filiis meis Hugone et Joffredo pro remedio anime mee antecessorumque meorum Deo et sancto Petro Besuensi Abbatique Gerardo Monachisque Besuensibus in Parochia sancti Martini Deo servire volentibus dono concessi quicquid Domnus Remigius ejusdem loci Presbyter in Ecclesiis in agris in pratis in sylvis in domibus et universis humane vite usibus tenebat et insuper quicquid vadimoniorum que predictis Monachis aut jam dederit aut in futurum dare voluerit possidebat Placuit etiam huic dono adnectere quod homines qui apud sanctum Martinum hospitati erunt et circa Monachos habitabunt in terris castri Belmontensis omne usuarium libere habeant in sylvis in pratis in pascuis et in omnibus quibus vivunt homines usibus ita scilicet quod si homines dampnum nescienter fecerint dampnum sine lege reddant Monachi vero quoquomodo aut ipsi aut sui famuli scienter vel nescienter dampnum fecerint dampnum sine lege prorsus restituant Piscariam etiam ipsis donavi a Belmonte desuper ubi vel quando vel quomodo eis placuerit piscari subtus vero Belmontem pede tenus piscari tantum concessi Quod donum ne qua tegatur oblivionis nebula placuit litteris commendare approbatorumque qui adfuerunt virorum testimonio roborare Signum Girardi Abbatis Signum Ricardi de Vircillis Signum Lebaldi de Genevreris Josberti Prepositi Heinrici Capellani Humberti negotiatoris Petrus Rufus Johannes famulus Christianus Hugo Bellimontis Dominus Hugo filius ejus Remigius Presbyter Milo de Poiens Hugo de Aces Ewrardus de Rolens Fredericus de Campaneio Wido de Renavis Rodulfus filius Odolrici Erbertus Capicium Acta sunt hec anno ab Incarnacione Domini MCXXXIV Indictione xii Epact xxiii Concur vii