Charter Document - 05090285
| Charter Number: | 05090285 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | Undefined |
| Date type: | Internal, A.D., Papal |
| Resource Link(s): |
|
Charter:
Ego Jocerannus nutu Dei Lingonensis Episcopus cum pro possibilitate mea una cum fidelibus et filiis nostris de negociis et commodis Lingonensis Ecclesie fideliter agendo disponeremus venit ad nos Besuensis monasterii venerabilis Abbas Dom Stephanus humiliter et devote postulans quatenus deserta cujusdam solitudinis in territorio Attoarensium juxta flumen Ararim posita nostre tantum Episcopali dominationi proprie pertinentia Deo et fratribus Besuensis Monasterii donaremus et supradicte possessionis heredes illos constitueremus Cujus juste et rationabili peticioni citissime consentientes et laude et consilio fidelium nostrorum Lingonensis Ecclesie Archidiaconorum quicquid in villa que vocatur Mentusca Episcopali jure possidere debemus Ecclesiam quoque ipsam cum omnibus appendiciis suis supradicto Abbati et successoribus ejus in posterum salvis Ecclesie Lingonensis consuetudinibus libere donamus et Episcopali auctoritate donata confirmamus Signum Guilenci Archid Sign Garnerii Archid Sign Ayrardi Archid Sign Widonis Archid Hujus rei testes sunt Domnus Gualo Canonicus Regularium Joczaudus Decanus Cabilon Guilencus Mon Albericus Mon Rodulfus Acta sunt hec anno ab Incarn Dom MCXVIIII Indict XII Epacta VII concurrente II Apostolice sedis Kalixto anno primo Pontificatum regente Lucdowico Francorum Rege Joceranno Lingonensis Ecclesie Episcopatum gubernante Duranno Notario dictante