Charter Document - 05090283
| Charter Number: | 05090283 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1119 |
| Date type: | Internal, A.D., Calendar |
| Resource Link(s): |
|
Charter:
Perspicientes hujus seculi casus et mutationes opere precium duximus ea que nostris temporibus Ecclesie Besuensi collata sunt memorie commendare perhenni Notum itaque fiat quod Humbertus de Lissei quidquid in eadem villa habebat seu habuerat ipse et antecessores ejus Deo et S Petro Besuensi ita omnino liberrime contulit ut deinceps neque in cymiterio neque in ipsa villa cuiquam homini neque suo neque alterius liceat ei seu heredibus ejus aut alicui loco ejus persone injuriam vexationem seu exactionem inferre et ut pretulimus in tota villa illa non solum hominem sed nec quidquam omnino violenter capere Data ab Humberto prefato cum uxore et filiis suis coram testibus annotatis infra Albrico fratre ejus Theoderico Monacho Balduino Lecilino Pontio Militibus eo die quo Ecclesia consecrata est a Domno Joceranno Lingonensi Episcopo anno ab Incarnat Verbi Dei MCXVIIII Indict XII Epact VII concurrente II Kal Junii die Dominico Eodem tempore et eadem ebdomada feria IIII quidam Miles Humbertus de Cynciaco dedit sancto Petro pro anima filii sui Widonis et antecessorum suorum XII denarios de Ecclesia cujusdam ville que dicitur Mentusca et unum mansum apud Cynciacum villam ad portum cum pontinatico et piscaria que omnia obtulit ad altare imponens librum super illud coram testibus Letbaldo Wilenco ceterisque quam plurimis Monachis et Widone fratre ejus Walterio de Beria cum aliis multis