Charter Document - 05090277
| Charter Number: | 05090277 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | Undefined |
| Date type: | Assigned |
| Resource Link(s): |
|
Charter:
Notum fiat fidelibus quod Odilo de Lisseiaco Ecclesie Dei et sancti Petri et Besuensis contulit in elemosyna quicquid habebat apud Lisseiacum ubique tam in terra quam in aquis in pratis in pascuis in sylvis ita honorifice sicut ipse tenebat ea Sed et ipsi Monachi Besuenses concesserunt ei Odiloni ea que ipsi habebant apud Bruceiacum eo tenore ut ipso ex hac vita exeunte cum omnibus que ibi edificavisset Ecclesia Besuensi remaneret Obtulit autem super altare sancti Petri per textum Evangelii deauratum et hoc ipsum sicut diximus de Bruceiaco coram testibus tam Monachis quam Laicis Quorum quedam nomina hec sunt Sig Odilonis qui hoc donum fecit Sig Mauricii Militis de Probato Sig Otberti Sig Hugonis Sig Giberti Sig Euvardi Sig Domni Stephani Abbatis Sign Wilenci Lebaldi Albrici Similem donationem fecit Hugo senior frater Odilonis de insula Bollina de sua parte de Lissiaco ipse et filius ejus Wido puer et uxor ejus et filia ejus Aia ad integrum cum omni libertate tenendum et possidendum B Petro et Besuensi Ecclesie in perpetuum pro sua anima suorumque antecessorum fidelium Sig Hugonis Widonis filii ejus Sig Humberti de Lissiaco Sig Odilonis fratris ejus Sig Gisleberti Sacerdotis de Malliaco Sig Humberti Provisoris vel ministralis et aliorum multorum