Charter Document - 05090272
| Charter Number: | 05090272 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | Undefined |
| Date type: | Assigned |
| Resource Link(s): |
|
Charter:
Pateat cunctis modo viventibus postmodumque futuris quod Domnus Hugo Miles et Dominus de Beria in die qua peram assumpsit ad Hierosolymitanum iter faciendum scilicet in die Ramis palmarum veniens in Besuensi Capitulo misit se ad pedes Monachorum orans et petens ut sui misererentur et in suis orationibus memoriam illius habere dignarentur In ipsa die et in ipso presenti Capitulo coram testibus dedit Deo et sancto Petro et Besuensi Ecclesie duos mansos optimos pro se et pro anima sua et pro animabus antecessorum suorum fidelium unum in villa que Beria dicitur cum omnibus appendiciis suis scilicet mansum Ogerii quem tenet Walterius filius ejus vetulus frater Stephani Prepositi qui vocatur Albus Alium in villa que dicitur Luecurtis cum omnibus appendiciis suis quem nominavit mansum Otberti de Arbore Ne aliquis perversus hoc frivolum existimet adsignamus testes Signum Hugonis qui donum fecit Sign Nerduini qui habet filiam ejus Sign Hugonis Columbe de Bellomonte Sign Milonis de eodem castro Sign omnium Monachorum qui ibi presentes affuerunt