Charter Document - 05090268
Charter Number: | 05090268 |
---|---|
Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
Charter Language: | Latin |
Charter Origin: | Religious |
Charter Type(s): | Grant |
Date: | 1114 |
Date type: | Internal, A.D. |
Resource Link(s): |
|
Charter:
In nomine Patris et Filii et Spiritus sancti Religiosa fidelium rebus sancte Ecclesie invigilans industria sic sue possessioni oportet ut provideat ut quicquid tenet inconcusse teneatur et quecumque ex propriis laboribus vel ex piorum oblationibus adipiscitur cuncta se perhenniter obtinere in futurum gratuletur Quam plures etenim hujus temporis homines crudeles et sevissimi sponsam Christi videlicet Ecclesiam non solum non curant augmentare verum etiam eam omnimodis moliuntur de propriis annullare Proinde notum sit omnibus et presentis et futuri seculi fidelibus domnum Joffredum Dominum Bellimontis cum Gertrudi sua conjuge suoque filio Hugone pro anime filii sui Fulchonis antecessorumque suorum remedio in loco elemosyne Deo et S Petro fratribusque Besuensis Cenobii unanimiter cuncessisse quicquid apud Lentiliacum in terris in aquis in sylvis possidebat id est quicquid prorsus in reditibus vel appendiciis aliquibus proprio jure ibidem obtinebat Quod donum a se suisque heredibus collaudatum ne procursu temporis vel aliquo oblivionis dissolvatur dispondio oportunum esse cognoscitur solidari privilegio virorumque qui adfuerunt roborari testimonio Sig Joffredi qui donum fecit Hugonis filii ejus Widonis qui Fontisvenne est Dominus Willelmi avunculi ejus Hugonis de Poliaco Seuvini de Raiaco Odilonis de Lixiaco Humberti de Faberniaco Mayfredi de Arco Audonis de Fontinellis De familia Domni Joffredi afuerunt Wido Prepositus Warnerius cognomento Pirdix et Hugo frater ejus Gislebertus de Alteriaco Prepositus et Rodulfus de Alteriaco Gislebertus de Poliaco Warnerius de Solario et alii quam plures Aucta sunt hec anno ab Incarnatione Domini MCXIIII Indict VII Epacta XII Hlucdowico Rege regnante in Francia Joceranno Episcopo presidente in Lingonis et Stephano Abbate in Besua