Charter Document - 05090249
| Charter Number: | 05090249 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Decree |
| Date: | Undefined |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Quantam animi devotionem erga sanctam Dei Ecclesiam habere debeamus divina sanctarum scripturarum demonstrant testimonia que siquidem eam et muneribus precipiunt fieri locupletem et omnimoda veneratione testantur et commendant effici gloriosam Hac igitur animadversione compunctus et a sancto Spiritu spiritualiter instinctus ego Hugo Dux Burgundie notum facio omnibus tam modernis quam futuris fidelibus quod redemptionem carrorum quam in porta Divionensi capere consueveram Deo et sancto Petro et Abbati Stephano omnibusque Besuensis Ecclesie Monachis donaverim ut amodo quibuscumque annis vel temporibus Divionem venerint ipsi denominate Ecclesie Monachi tam claustrales quam in cellis manentes hanc sibi libertatem a me meisque successoribus obtineant ut sine omni inpedimento et absque alicujus redemptionis exactione cum suis carris indubitanter pertranseant Cujus si quidem doni largitionem zelo Dei succensus hujus gratia rei pro anime patris mei remedio Besuensi Ecclesie contuli ut videlicet singulis annis apud eandem Ecclesiam ipse in memoriam sit omnium et sicut mos est Catholicus anniversarium ei a filiis Ecclesie celebretur omnibus quatenus orationibus fidelium Dei famulorum sibi meisque omnibus antecessoribus remissio omnium concedatur peccatorum Proinde quoniam multa et maxima parentum nostrorum instituta eos qui modo sunt in silentio et oblivione conspicio preterire autentico placuit hoc donum commendare privilegio et subscripto approbatorum virorum roborare testimonio Sig Hugonis Ducis Heinrici fratris Ducis Walonis Abbatis Hugonis Dapiferi Waleranni Militis Hugonis Prepositi Ewrardi Prepositi Dominici juvenis Signum Stephani Abbatis Besuensis Warnerii Prioris Albrici De Laicis Othberti Ewrardi Giraldi Arnaldi villici Lingonensis Acta sunt hec anno ab Incarnatione Domini MCXIII Indictione VI Epact I regnante Hlugdowico Rege Francorum Episcopante Joceranno in urbe Lingonensium