Charter Document - 05090247
| Charter Number: | 05090247 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | Undefined |
| Date type: | Assigned |
| Resource Link(s): |
|
Charter:
Sciant omnes presentes et futuri quod Thebaldus qui nuncupatur de sancto Prudentio quicquid edificii habuit super campum qui cappelle sancte Marie adjacet scilicet de vinea reddidit beato Petro et Stephano Abbati et Secretario Johanni in perpetum possidendum et pro tali commercio dedit illi Johannes Secretarius XXV solidos et unam combam quam plantaverat communicavit ei taliter ut per medium excolat et per medium fructum capiat Eo tenore si fidelis cultor extiterit habeat eam cum honore tempore vite sue absque censu Post ejus obitum si quis legalis heres ejus supradictam vineam habere voluerit cum Secretario qui Dominus et socius inde est inprimis eam offerat Si ipse eam sibi retinuerit bene sin autem noluerit per consilium Abbatis et Monachorum vendat eam alicui de servis sancti Petri qui eam fideliter excolat et censum et consuetudines Secretario reddat Huic Carte assignamus testes Signum Stephani Abbatis Wilenci Johannis Secretarii qui hoc fecit Girardi Albrici Thebaldi Hugonis villici Haidulfi Hugonis famuli Berengarii Baldi et aliorum multorum de familia Ecclesie