Charter Document - 05090244

Paschalis Episcopus servus servorum Dei Dilecto filio Stephano Besuensi Abbati ejusque successoribus regulariter promovendis in perpetuum Religiosis desideriis dignum est facilem prebere consensum ut fidelis devotio celerem sortiatur effectum Proinde nos Religioni vestre desideria confoventes vestro Besuensi Monasterio in honore Beatorum Apostolorum Petri et Pauli edificato eorundem Apostolorum ex Apostolice sedis benignitate munimen inpendimus Constituentes et presentis decreti pagina sancientes ut Ecclesia de Albiniaco et Ecclesia sancti Benigni et Capella sancte Marie que castello Montis Salvionis sita est ad supradictam Albiniaci Ecclesiam pertinens Ecclesia etiam Camlintensis et Ecclesia de Majasch cum appenditiis suis Capella de Fonvenz vestro semper Cenobio ita firme ita libere quieteque permaneant sicut a fratre nostro Rotberto Lingonensi Episcopo cum tocius Lingonensis Cleri coniventia tradite sunt Id ipsum etiam de duabus Prebendis statuimus quas bone memorie Harduinus et Hugo Lingonenses Episcopi fratribus in Ecclesia sancti Gengulfi apud Lingonas Domino servientibus tradiderunt Id ipsum etiam statuimus super Ecclesia de Sivoio cum pertinentiis suis super Capella Sancti Mauricii seu sancti Dionysii Capella sancti Valeriani et Ecclesia de Raiol et parte quarta Ecclesie sancti Martini de Monasterio seu ceteris rebus quas bone memorie Hugo Bisontinus Episcopus vestro Monasterio contradidit Porro Ecclesia sancti Remigii que est in Burgo Besue et Ecclesia de Belenavo cum appendiciis suis ita in possessione vestra liberas ita ab omnibus consuetudinalibus inmunes semper manere censemus sicut a bone memorie Alberico quondam Lingonensi Episcopo seu successore ejus Rainardo ejusdem Ecclesie venerabili Episcopo libertate ac inmunitate donate sunt Preterea confirmamus vobis Ecclesiam Salvatoris de Veteribus Vineis Ecclesiam sancti Martini de Luco Ecclesiam sancti Laurentii de Beria Ecclesiam sancti Benigni de Boensis villa Ecclesiam sancti Sequani que est parrochialis Ecclesiam sancti Valerii de Talemaro Ecclesiam sancti Leodegarii de Genziniaco Ecclesiam sancti Martini Belmontis Capellam quoque sancti Marcellini quam bone memorie Geilo Lingonensis Episcopus ad luminaria Altaris Ecclesie vestre contulisse dinoscitur cum B Prudentii Martyris sub eodem Altari Reliquias collocavit cum appendiciis et mancipiis utriusque sexus sicut ea supradictus Episcopus Virdunensi Episcopo conmutavit Ecclesiam quoque sancti Ypoliti de Pontiliaco cum appendiciis suis Ecclesiam de Casoto S Symphoriani Ecclesiam sancte Marie de Fonvenz a Lamberto Lingonensi Episcopo datam cum pertinentiis suis Ecclesiam quoque sancti Gengulfi superius nominatam Infra muros Lingonice civitatis Porro villam Besue sanctorum Apostolorum Petri et Pauli Monasterio adjacentem cum omnibus pertinentiis suis ab omnium hominum vexationibus liberam sicut hodie est vobis in perpetuum manere sancimus Piscariam quoque a Fontis loco usque ad Princiacum in jure ac possessione vestra semper servari libere quieteque sancimus Preterea quecumque in presentarum nunc idem Monasterium possidet sive in futurum concessione Pontificum liberalitate Principum vel oblatione fidelium juste atque canonice poterit adipisci firma tibi tuisque successoribus et illibata permaneant Decernimus ergo ut nulli omnino hominum liceat idem Cenobium temere perturbare aut ejus possessiones auferre vel ablatas retinere minuere vel temerariis vexationibus fatigare sed omnia integra conserventur eorum pro quorum sustentatione et gubernatione concessa sunt usibus omnimodis profutura salva Lingonensis Episcopi canonica retinentia Et Episcopo tamen aut Episcopi ministris omnino non liceat Monasterium ipsum aut ejus loca gravare nec ornamenta Ecclesie qualibet occasione diripere nec exactiones aliquas aut consuetudines que fratrum quieti noceant irrogare Interdicimus etiam ne quis idem Besuense Cenobium in cellam redigere audeat quandiu Monastici ordinis observantia illic Domino prestante viguerit Si quis sane in crastinum Archiepiscopus vel Episcopus Imperator aut Rex Princeps aut Dux Comes Vicecomes aut judex vel qualibet Ecclesiastica secularisque persona hanc nostre Constitutionis paginam sciens contra eam temere venire temptaverit secundo terciove conmonita si non satisfactione congrua emendaverit potestatis honorisque sui dignitate careat reumque se divino judicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Jhesu Christi aliena fiat atque in extremo examine districte ultioni subjaceat Cunctis autem eidem loco justa servantibus fit pax Domini nostri Jhesu Christi quatinus et hic fructum bone actionis percipiant et apud districtum judicem premia eterne pacis inveniant Amen Scriptum per manum Rainerii scriniarii et Notarii sacri Palacii Datum Laterani per manum Johannis sancte Romane Ecclesie Diaconi Cardin Kal Jan Indict XIII Incarn Dominice anno MCV Pontificatus autem Domni Paschalis II Pape VI