Charter Document - 05090230
| Charter Number: | 05090230 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | Undefined |
| Date type: | |
| Resource Link(s): |
|
Charter:
Sciant omnes tam presentes quam futuri quod Hugo cognomento Troaudus et frater ejus junior Waldinus donaverunt Deo et sancto Petro et Ecclesie medietatem ville que Vachiriacus vocatur pro anima patris sui Rainaldi et matris sue et omnium fidelium antecessorum suorum sicuti illi tenebant et antecessores illorum tenuerunt in terris cultis et incultis in pratis et in sylvis et in usus aquarum omnino totum cum omni libertate et pro signo dedit illis duobus fratribus Wido Monachus qui Pauliacum tenebat undecim solidos nummorum Ut hec Carta inconvulsa permaneat adsignamus ei testes Signum Oddonis Militis de Bellomonte Sig uxoris ejus Ailadis vocate Widonis Militis cognomento Margot Rodulfi Militis fratris ejus Hugonis villici de Pauliaco Widonis Monachi et aliorum multorum