Charter Document - 05090222
| Charter Number: | 05090222 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1100 - 1110 |
| Date type: | Assigned |
| Resource Link(s): |
|
Charter:
Sacra scriptura testatur quod elemosyna liberat animam de morte eterna et conducit eam ad vitam perpetuam De qua re non inmemor Hugo Miles cognomento de Chimissins ipse veniens ad obitum suum pro sua anima suorumque antecessorum fidelium dedit Deo et sancto Petro et Besuensi Ecclesie quattuor mansos duos apud Rivuriacam que est villa deserta cum omnibus appendiciis suis Alium apud Cusiacum cum appendiciis suis Alterum apud Chimissins cum quattuor jugeribus terre et unam falcem de prato Et hos mansos liberos dedit cum omni libertate subscriptus Hugo Ut hec elemosyna inconvulsa permaneat asignamus ei testes Signum Hugonis Widonis filii ejus Walonis Aymonis Hugonis nepotis ipsius Awini de Beria Mainfridi Militis de Arco Walterii de Beria Nerduini Militis Andree Presbyteri Richardi Constantini et aliorum multorum