Charter Document - 05090209
| Charter Number: | 05090209 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1088 - 1120 |
| Date type: | Assigned |
| Resource Link(s): |
|
Charter:
Omnis fidelis sexus tam de Laicis quam de Clericis plane sciat et agnoscat quod Domnus Petrus de Monte Salionis senior de Miribello propter quoddam infortunium quod sibi contigit quadam die veniens ad Besuense Monasterium in presentia Domni Stephani Abbatis et Monachorum nec non et Laicorum multorum supradictus Petrus et Domnus Oddo nepos ejus de Monte Salionis dominus ambo omnem calumpniam de piscatione quam habebant super aquam nostram que est a Molendino quod est ultra Neronem villulam nostram usque ad Besuam ex toto postposuerunt et si quid juris inibi ex parte sua vel suorum antecessorum umquam fuit Deo et Besuensi Ecclesie in illa die eternaliter condonaverunt De hac re supradictus Petrus et de suis malefactis que antea male egerat adversus Ecclesiam satisfaciens in presentia Domni Stephani Abbatis de omnibus querimoniis finem fecit Et ut pax firmius teneretur et bonus finis omnibus diebus vite sue manu sua coram omnibus finem et pacem supra sanctas Reliquias juravit nec non et Rainaldus Prepositus ejus de Miribello et Hugo Clericus et Lambertus de Jergeiaco hoc juraverunt perpetualiter tenendum Nec non et Milites quorum auctoritate hoc fecit Dedit fidei jussores Domnum Joffredum cum suis filiis Hugonem et Fulchonem Hugonem Columbam cum suo filio Walone Milonem cum suo filio Ewino Dum Oddonem nepotem suum Theodericum de Divione filium Stephani Aymonem de Divioni cognomento Chag Odilonem de Lisiaco Sig de Stephani Abbatis Widonis Prioris Wilenci Albrici Landrici et aliorum multorum