Charter Document - 05090206
| Charter Number: | 05090206 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1099 - 1108 |
| Date type: | Assigned |
| Resource Link(s): |
|
Charter:
In nomine summe et individue Trinitatis Patris et Filii et Spiritus sancti Quoniam consuetudinarium est et ab predecessorum nostrorum ductum industria ut ea que perpetue memorie comendanda videntur litterarum tradantur custodie dignum duximus ea que subinferuntur ne oblivione dispereant ne vel quod inde legitime actum est quandoque aliqua immutetur fraudulentia in hujus Carte sinu fideliter recondere Ego igitur Robertus alme sedis Lingonice Dei nutu Episcopus dum in matris Basilice gremio nobis a Christo collate degeremus et secundum nostrum dogma una cum fidelibus prefate Ecclesie de statu et profectu illius cum consilio et voluntate eorum unanimiter tractaremus affuit etiam inter eos amicus noster Besuensis Ecclesie Abbas Domnus Stephanus nostram benignitatem humiliter expetens quatenus Capellam que est in castello Montis Salvionis sita ad Ecclesiam de Albiniaco pertinentem in honore sancte Dei Genitricis dedicatam sancto Petro Besuensis Ecclesie per instrumenta apicum concedere et misericorditer largiri non dedignaremur Cujus nos justam et rationabilem peticionem libenter suscipientes hoc quod pie et rationabiliter postulavit per consilium fidelium nostrorum recto ordine ad effectum perducere curavimus Dantes et concedentes suprascriptam capellam salvis omnibus Lingonensis Ecclesie consuetudinibus Ea tamen conditione ut capellanus eidem capelle inserviat et beneficiarios usus ab ipso Abbate Besuensi habeat et possideat Ut autem hujus nostre concessionis testamentum futuris temporibus conservetur et absque diminutione aut immutatione aliqua custodiatur manu propria eam firmamus et Archidiaconorum nostrorum firmandam tradimus Signum Gocelmi Archidiaconi Wilenci Archid Hugonis Archid Almarici Archid Warnerii Archidiac Acta sunt hec Lingonis plenaria Synodo Romane sedis Paschali Apostolatum gubernante Philippo Regnante Rotberto Episcopo Lingonensem Ecclesiam regente Stephano Cancellario Duranno Notario suas vices utroque exhibente