Charter Document - 05090197
| Charter Number: | 05090197 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | Undefined |
| Date type: | Assigned |
| Resource Link(s): |
|
Charter:
In nomine sancte et individue Trinitatis Patris et Filii et Spiritus sancti Quoniam consuetudinarium est et ab antecessorum nostrorum industria ductum ut ea que memorie commendanda videntur litterali tradantur custodie dignum duximus ea que subinferuntur ne oblivione dispereant ne vel quod inde actum est quandoque aliqua inmutetur fraudulentia in hujus Carte sinu fideliter recondere Ego igitur Rotbertus sancte Lingonensis Ecclesie Episcopus precibus Stephani Abbatis Besuensis Ecclesie sepius ammonitus voluntati illius tandem adquiescens cum in Ecclesia Lingonensi Synodum celebraremus et de Ecclesiasticis negotiis pro posse diligenter tractaremus consilio et assensu Archidiaconorum consedentium duos Presbyteratus Camlintensis videlicet Ecclesie et Ecclesie de Majasco B Petro Besuensis cenobii et fratribus ibi Deo servientibus deinceps habendos concedimus ita ut Presbyteri parochiales qui in eis decantaverint medietatem omnium ad eosdem Presbyteratus pertinentium per manus Besuensis Abbatis obtineant Archidiachonibus aliisque ministris debita servitia exhibeant paratas et Eulogias suo tempore communiter persolvant Facta sunt hec Lingonis in plenaria Synodo Urbano Papa existente Philippo in Galliis regnante Signum Wilenci Archidiaconi Gocelmi Archidiaconi Garnerii Archidiaconi Norgaudi Archidiaconi Gosberti Archipresbyteri Stephanus Cancellarius dictavit Durannus Notarius scripsit