Charter Document - 05090195
| Charter Number: | 05090195 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | Undefined |
| Date type: | Assigned |
| Resource Link(s): |
|
Charter:
In nomine sancte et individue Trinitatis Patris et Filii et Spiritus sancti Quoniam antecessores nostri quicquid ratum et indissolubile teneri voluerunt litterarum custodie commendaverunt ut videlicet quod segnis deleret oblivio litterarum aperiret representatio dignum duximus litteris commendare ea que perpetualiter volumus permanere Ego igitur Rotbertus Lingonensis Episcopus Ecclesiam de Albiniaco et atrium ejus paratas etiam et Eulogias que ad Episcopum pertinent et Ecclesiam sancti Benigni et atrium ejus consensu et consilio fratrum Lingonensium Ecclesie Besuensi tenendam concedo et in plenaria synodo Lingonis habita Stephano premisse Ecclesie Abbati de manu in manum trado et successoribus ejus perpetualiter habendam instituo Hoc etiam donum ita tenendum et permanendum dijudicamus ut si quis Clericus vel Laicus auferre eis presumpserit vel inde eos injuste inquietaverit si sit Clericus ordinis sui periculo si Laicus anathemati donec resipuerit subjaceat Sig Gozelmi Archid Hugonis Arch Guarnerii Archid Norgaudi Arch Girardi Archipresbyteri Guidrici Archipresbyteri Facta sunt hec Philippo Regnante Episcopante Rotberto Stephano dictante Cancellario