Charter Document - 05090100

Leo Episcopus servus servorum Dei Olgerio Abbati Besuensis Monasterii tuisque successoribus perpetuam in Domino salutem Convenit Apostolico moderamini pia Religione pollentibus benivola compassione succurrere et petentium desideriis congruum impertiri suffragium Quapropter inclinati precibus tuis fili Carissime decrevimus more Antecessorum nostrorum hoc nostro privilegio Apostolice tuicionis vestro Besuensi Monasterio propter inminentes persecutiones et propter innumeros casus qui superveniunt dignam concedere libertatem Videlicet ut nulla persona aut ulla potestas sive Ecclesiastica seu secularis super eam audeat dominationem aut potestatem usurpare preter Lingonensem Episcopum qui ei patrocinetur juste et canonice Sic tamen ut ei non liceat neque ministris ejus terras aut beneficia Monasterii commutare vel dare nec vasa nec ornamenta seu volumina subtrahere aut qualicumque occasione diripere Omnia vero quecumque habet vel tenet vel adquisierit supradictus locus habeat et teneat nostra Apostolica confirmatione jure perpetuo in cujus cumque Dioecesi sit Interdicimus etiam nostra auctoritate ut nullus audeat supradicto Monasterio vim inferre vel eum in subjectionem cujus cumque Monasterii redigere Raptores cujus cumque ordinis vel dignitatis sint qui res que ad supra nominatum cenobium pertinent sive de hominibus seu de terris vel de qualibuscumque rebus unde sustentari et vivere debent inibi Deo servientes rapuerint vel substraxerint ligamus eos ligamine sancti Petri usquequo congrue satisfaciant Prohibemus etiam ne infra unam leuvuam a Monasterio liceat alicui aliquem invadere vel ejus res auferre Statuentes Apostolica censura ne ulla hominum persona magna vel parva contra hoc nostrum privilegium venire pertemptet Quod qui fecerit Apostolico anathemati subjacebit usque ad dignam satisfactionem Qui vero se servaverit benedictionis nostre gratia cumuletur et eterne vite particeps efficiatur Datum IV Nonas Octobris per manus Petri Diaconi Bibliothecarii et Cancellarii sancte Apostolice sedis Indictione V Incarnationis Dominice anno MLII Pontificatus autem Domni Leonis noni Pape III