Charter Document - 05090077

In Dei omnipotentis nomine Notum fore volumus quibusque scire cupientibus qualiter pro remedio anime Odonis optimi militis atque elegantissime juventutis filii videlicet Nerduini ictu repentino interfecti dederunt ad memoriam SS Apostolorum Petri et Pauli sanctique Prudentii Martyris in loco Besuensis Monasterii avunculus ejus Hugo videlicet Comes Belmontensis et ipsius Odonis uxor Gertrudis fraterque ejusdem Hugo servum nomine Teodericum itemque alium nomine Stephanum atque ancillam unam nomine Leutgardam cum omni successione generis filiorum et filiarum eorundem Item dederunt mansum unum liberrimi allodii permaximum seu coloniam pergrandem in villa Besueta cum omnibus appenditiis que ad ipsum mansum pertinent id est terris cultis et incultis et pratis et decursus et usus aquarum et usus sylvarum in gyro circumjacentium tam circa Besuam quam circa Vinzennam fluvios quemadmodum predictus Oddo vel pater ejus seu avus in vita tenuerunt absque ullo contradicente illorum generis seu extranei Debet enim predicta terra per annos singulos frumenti modios quattuor et de tremisse modios III et dimidium et mense Maio denarios VI Deinde multonem et porcum et per vindemias car operum et vini sextarium et in Nativitate Domini vini sextarios duos Et ut ab hodierna die et deinceps sit in Dominium predictorum sanctorum Besuensis cenobii ut faciant Monachi inibi Deo deservientes quicquid illis utilitatis melius videbitur et placuerit Et ut hec firma in omni tempore et stabilis elemosyne donatio maneat cum voluntate parentum et consensu omnium fidelium nostrorum publice tangentes manibus propriis roboramus et nomina nostra et precipuorum nostrorum conscribi facimus Si quis vero quod absit huic nostre factioni quam pro Dei amore et anime cari parentis nostri redemptione fecimus in aliquo contrarius calumpniator extiterit iram eterni judicis ejusque Clavigeri Petri sentiet si non cum satisfactione emendaverit Nomina firmatorum qui hanc Cartam firmaverunt Sig Hugonis Comitis Sig Letgardis Comitisse Sig Gertrudis uxoris Odonis Militis Sig Gybuini Sig Richardi Sig Nerduini filii ejus Sig Widonis Archid Sig Hugonis Sig Widonis et Odilonis et Joffredi Sig Bernardi Sig Bernardi alterius Sig Willerii Sig Richardi Sig Ulrici Sig Olgerii Sig Wilenci Sig Humberti Actum Besua publice anno ab Incarnatione Domini MXXXIIII Indict II Epa XXVIII Regnante Heinrico Rege VIII anno Regni ejus mense Novembri Ego Heldemannus Monachus scripsi et subscripsi