Charter Document - 05090072

Culpa primi parentis faciente accidit ejus generi post ipsum ut qualis ipse exstitit tales post se natos relinqueret Qua de re sicut ipse miseria non caruit ita omnes miseros genuit et sicut ipse oblitus est beatitudinis a Deo sibi conlate sic omnes homines obliviosos reddidit Quia homo obliviosum est animal et sepe labefactari possunt ergo cause rerum gestarum a mente humana nisi atramento scribantur et cartarum apicibus inserantur quibus futuri ea que vel visu vel auditu non didicerunt harum exemplis erudiantur idcirco nos que temporibus nostris acta sunt et priscorum senectus meminit notificanda intimamus Omnibus itaque notum esse volumus presentibus et futuris qualiter quandam terram in villa Mornado sitam que jure sancto Petro debebatur tres fratres his nominibus Wido Odilo Ansericus sanci iverunt Nam tempore Brunonis Episcopi exstitit quidam Miles Lezelinus nomine qui ipsam terram contra jus ipsius Episcopi et seniorum loci supra scripti tenere voluit quod videlicet nequivit Post hunc exstitit alius Humbertus cognomine qui ipsam terram similiter invasit qui ad obitum veniens reddidit ad limina sanctorum Petri et Pauli loco jam dicto quecumque in ipsa terra tenere videbatur sive juris sui sive injuste ablata omnia reddidit per caligulam suam que vulgo osa dicitur quam implevit de ipsa terra et virgulam de viridario sumpsit ad testimonium que videlicet transmisit per nuntios suos sed per incuriam non admissa fuerunt sancto loco Hinc ergo fratres suprascripti hereditari cupientes terram invadunt quasi a proavis sibi dimissam et ut eis libitum fuit agentes multaque vi insistentes contra voluntatem seniorum loco sancti Petri degentium conati sunt agere quod et fecerunt Attamen illi non destiterunt a proposito voluntatis sue tam per semetipsos quam et per Principes regni semper clamantes et injustam eorum calumpniam patefacientes Tandem Deo volente et ipsis resipiscentibus cum consilio suorum seniorum adierunt simul limina Sanctus Apostolorum Petri et Pauli penitentiam agentes ibique quicquid in supradicta terra tenere videbantur sive juste sive injuste omnia contulerunt ad ipsum locum eo scilicet tenore ut post obitum eorum ipsa terra in testimonium sit sepulture et societatis eorum quam et pro hoc reddiderunt Insuper etiam aliam terram sitam in villa Osiliaco dicta que in con vadio contra ipsos erat illis reddiderunt seniores loci suprascripti Actum est publice Besua Monasterio die festo sancti Benedicti Abbatis videlicet xii Kalendas Aprili anno i ordinationis Domino Otgerii Abbatis Signum Hugonis Comitis Belmontis qui hanc redditionem fieri jussit Signum Oddonis nepotis ejus Widonis Decani Willerii Odonis Militis Leutpranni Aldonis Prepositi Et hec nomina fratrum Signum Widonis Odilonis Anserici