Charter Document - 05090059
| Charter Number: | 05090059 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 0996 - 1031 |
| Date type: | Assigned |
| Resource Link(s): |
|
Charter:
Notum esse volumus omnibus fidelibus tam futuris quam presentibus quod quidam Miles Milo nomine de villa que dicitur Beria Domni Willelmi Abbatis qui huic Monasterio Besuensi preesse dinoscebatur ac Domni Benedicti qui post ipsum Prioratus officio fungebatur clementiam adierit poscens sibi de rebus ejusdem Monasterii in beneficio donari promittens se in omnibus jam dicti Monasterii serviciis subditurum ejusque utilitatibus pro posse omnimodis profuturum Qui cum in precibus suis tam per se quam per suos internuntios assiduus perstaret ejus coactus postulationibus jam dictus Prior Domnus Benedictus ex consensu supradicti Domni Abbatis Willelmi dedit ei terciam partem Ecclesie prescripte ville Berie scilicet parte altera retenta Nam terciam Presbyter pro servitio tenebat Dedit etiam ei mansum unum in vico quod dicitur Altavilla et unum quartarium in villa que dicitur Juvenalis et unum jugerum de vinea in villa que dicitur Curtis Adonis Ea tamen convenientia ut hoc ipsum beneficium diebus vite sue teneret post obitum vero suum nec filius ejus nec filia aut aliquis ex ejus parentela se de eo intermittere aut presumere auderet nisi eis bona voluntate aut gratanti donatione Abbatis aut Monachorum ejus concederetur Quam convenientiam in persona sua ac filii sui Aduini sub jure jurando firmavit presente ipso filio suo ac gratanter consentiente Cui rei etiam fideles testes adhibuit quorum hec sunt nomina Oddo Rotbertus Wido Decanus Luitprannus Aldo Prepositus Albertus Monachus Rotbertus Monachus