Charter Document - 05090054
| Charter Number: | 05090054 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | Undefined |
| Date type: | Assigned |
| Resource Link(s): |
|
Charter:
Perversorum calliditas dolos corde machinantium exigit ut res decrete literrari tradantur scedule ob cautele studium et munimen sequentium Quos ita sepe levis circumvolvit inconstantia ut etiam testimoniali manu roborata sinistrorsum subdola certent refragari sollertia Talium precaventes versutias fratres loci Besuensis sub Domni Abbatis Guillelmi excubantes regimine descripsimus conventionem quam fecimus cum Parrechianis ville Talannaci de atrio Ecclesie sancti Valerii Timentes enim hostiles impetus ad nos venere unanimes poscentes ipsum atrium sibi dari in auxilium ad construenda domicilia et condendi propria Horum itaque evicti inportunitate atrium in commune census sub raciocinio indulsimus eo videlicet conditionis ordine ut qui senum pedum vel septem mensuram usurparet in dominio duorum qui vero aut duodecim aut tredecim quattuor denariorum censum die festivitatis sancti Benigni solveret Qui vero statutum transiret terminum jam sciret cum usura secundum legem reddendum