Charter Document - 05090051
| Charter Number: | 05090051 |
|---|---|
| Cartulary Title: | Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1008 - 1016 |
| Date type: | Assigned |
| Resource Link(s): |
|
Charter:
Eisdem etiam diebus Oggerius calumpniam inferens ancillis cum propriis filiis uni Susanne et nomen alteri Hildegarde a Monachis Sancti Petri per multorum curricula temporum jure possessis conabatur in suam pertinaciter transducere servitutem Quapropter jubente Brunone Episcoporum precellentissimo fidelium suorum factus est conventus insuper etiam comprendi est dies statutus Sed ne homicidii vel perjurii noxam incurreret ipse Oggerius oblati sunt ei a Monachis ibidem manentibus quinquaginta solidi quibus acceptis sic tandem ab hac querela sponte reticuit Et quamvis injuste temptasset eas ad suum inflectere servicium accepto in redemptionem ut ita ducam precio sancto Petro cui verius pertinebant reddidit coram testibus ita ut nec ipse nec sui coheredes vel aliqua suspecta persona audeat de his aut eorum progenie aliquando aliquam calumpniam inferre Hi sunt testes Gyrardus Comes Walterius Nerduinus Aldo Odo Hugo Comes Odilo